Skuadra nga Polonia, Widzew Lodz është distancuar nga transferimi i Arbër Hoxhës, i cili është pjesë e Dinamo Zagrebit.
Ditët e fundit është raportuar se Lodzi po negocion me ekipin kroat për transferimin e Hoxhës në afatin kalimtar të verës.
Madje, thuhej se ekipi polak do të paguajë 5 milionë euro për kartonin e sulmuesit të krahut, i cili ka kontratë me Dinamon deri në verën e vitit 2029.
Megjithatë, skuadra polake është detyruar të dalë me një njoftim në lidhje me Hoxhën, pasi ka thënë se thashethemet janë rritur shumë për diçka që nuk është e vërtetë.
Zëdhënësi i klubit, Jakub Dyktynski shkroi se Wizdew Lodzi nuk është në bisedime për ta blerë Arbër Hoxhën, duke thënë se ekipi mbetet i përqendruar në ndeshjet që ë presin deri në fund të sezonit.
Hoxha 27-vjeçar këtë sezon ka shënuar 7 gola dhe ka bërë 9 asistime për Dinamon, ekip të cilit iu bashkua në vitin 2024 kurse karrierë në Kroaci ka bërë edhe te Slaven Belupo e Lokomotiva.
