Murati në statusin e 2016-ës i kishte quajtur ushtarët e UÇK-së mercenarë.
Përmes një postimi në Facebook, Murati ka thënë se “shkrimet e para disa viteve kanë qenë nga mllefi me ata që asokohe me fryrjen e listave për përfitime financiare e politike po shtrembëronin historinë e luftës dhe të vërtetën tonë kolektive”.
Ai thotë se ato shkrime nuk kanë pasur synim ofendimin ndaj ushtarëve dhe dëshmorëve, teksa u kërkon ndjesë të gjithë luftëtarëve të UÇK-së.
“Ju siguroj se ato shkrime nuk kanë pasur synim ofendimin ndaj ushtarëve dhe dëshmorëve. E pranoj që gjuha e përdorur atëherë ka qenë e gabuar, prandaj ju kërkoj ndjesë të gjithë luftëtarëve të UÇK-së dhe familjeve të tyre”, ka thënë Murati. /teve1.info
