Ka vdekur në moshë të re, Rifat Stojkaj, sekretari i përgjithshëm i Aleancës për Ardhmërinë e Kosovës, dega Deçan.
Rifat Stojkaj ka humbur jetën si pasojë e një vetaksidenti trafiku që ndodhi në orët e para të mëngjesit në fshatin Lloqan të Deçanit.
Sipas njoftimit të policisë, aksidenti ka ndodhur rreth orës 01:40, kur drejtuesi i automjetit, për shkaqe që ende po hetohen, dyshohet se humbi kontrollin mbi veturën dhe doli nga rruga, duke përfunduar në një kanal anash saj.
Si pasojë e aksidentit, Stojkaj pësoi lëndime të rënda trupore dhe nuk arriti t’u mbijetojë plagëve të marra.
Policia bëri të ditur se vdekja e tij është konstatuar nga mjeku kujdestar, ndërsa me urdhër të prokurorit trupi i pajetë është dërguar në Instituti i Mjekësisë Ligjore për obduksion.
Rastin po e hetojnë autoritetet kompetente për të sqaruar rrethanat e aksidentit.
