Përkundër që ishte në disavantazh dhe me një futbollist më pak, skuadra e Malishevës ka marrë një pikë në udhëtim te skuadra e Ferizajt.
Të dielën, Ferizaj dhe Malisheva kanë luajtur 1:1, në ndeshjen e xhiros së 33-të në Superligën e Kosovës në futboll.
Ferizaj në fund të pjesës së parë, saktësisht në minutën e 38-të, kaloi në epërsi me anë të Ruben Silva-Richards, por Malisheva barazoi në minutën e 63-të nëpërmjet Diatta Assane që realizoi për rezultatin përfundimtar të takimit.
Në minutën e tretë shtesë të pjesës së parë, Emir Zogaj i Malishevës u largua nga fusha me autoambulancë. Ai u lëndua rëndë pas një dueli që pati. Në vend të tij u inkuadrua Agon Xhaka.
Malisheva mbeti me një futbollist më pak në fushë në minutën e tetë shtesë të pjesës së parë.
Robert Mathieu Ndjigi pas një ndërhyrjeje të ashpër, u përjashtua nga loja me kartonin e dytë të verdhë.
Me këtë barazim, Ferizaj mbetet në pozitën e parafundit në tabelë me 35 pikë kurse Malisheva forcohet në vendin e tretë me 53 pikë.
