Një mosmarrëveshje për çështje pronësore mes dy vëllezërve ka eskaluar në përleshje fizike të premten në Mitrovicën e Jugut.
Sipas raportit të Policisë së Kosovës, incidenti ka ndodhur më 9 maj 2026, rreth orës 13:45, ku dy personat e dyshuar janë konfliktuar mes vete pas një kontesti lidhur me pronën.
Gjatë përleshjes, lëndime trupore ka pësuar edhe një person tjetër, i cili kishte ndërhyrë me qëllim që të ndalte konfliktin. Ai ka marrë trajtim mjekësor pas incidentit.
Policia ka bërë të ditur se, me urdhër të prokurorit, pas hapjes së rastit të dyshuarit janë ndaluar dhe janë dërguar në mbajtje.
