Bordi Suprem i Radios dhe Televizionit vuri në zbatim një vendim të muajit shkurt ku i kërkohet medieve ndërkombëtare që transmetojnë përmbajtje televizive online për të aplikuar për licence transmetimi. Të enjten në mbrëmje, një gjykatë në Ankara vendosi që të kufizojë qasjen ndaj faqeve të internetit të medieve shtetërore Deutsche Welle dhe të Zërit të Amerikës.
Në një deklaratë të publikuar të premten, Deutsche Welle shprehet nuk kishte zbatuar kërkesat e licencimit sepse kjo “do të kishte lejuar qeverinë turke të censuronte përmbajtjen editoriale”.
“Për shembull, medieve të lincesuara në Turqi i është kërkuar të fshijnë përmbajtje në rrjet që RTUK-ja i ka interpretuar si të papërshtatshme. Kjo është thjesht e papranueshme për një media të pavarur. DW do të ndërmarrë veprime ligjore ndaj bllokimit që ka hyrë në fuqi”, deklaroi Limbourg.
Ilhan Tasci, një anëtar i RTUK-së nga partia më e madhe opozitare turke (RPP) deklaroi se kundërshtonte vendimin për të bllokuar dy mediet ndërkombëtare. Bordi i kishte kërkuar gjykatës për të kufizuar eksesin, tha si.
“Ja ku është liria e medies dhe demokracia e përparuar”shkroi në mënyrë sarkastike në Twitter.
Sindikata e Gazetarëve në Turqi e quajti vendimin si një përpjekje për të censuruar mediet. “Hiqni dorë nga ndalimi i çdo gjëje që nuk pëlqeni, shoqëria turke kërkon liri”, shkruhet në Twitter.
Zëri i Amerikës gjithashtu tha në shkurt ndërkohë që licencimi për radio dhe televizion ishte një normë, interneti nuk ka një limit për transmetimin e valëve.
“E vetmja arsye për të kërkuar licence për shpërndarjen e lajmeve në internet është vendosja e censurës”, tha VOA në një deklaratë.
Turqia u cilësua si një vend “mediatikisht jo i lirë” për vitin 2021 në raportin vjetor të indeksit nga “Freedom House”. Mijëra adresa interneti janë bllokuar nga autoritetet turke.
