Një person është lënduar pasditen e së premtes në Fushë-Kosovë, pasi ka rënë nga një lartësi derisa ishte duke punuar në një objekt.
Rastin e ka konfirmuar për media zëdhënësja e Policia e Kosovës për rajonin e Prishtina, Flora Ahmeti.
Sipas saj, informacioni për rastin është pranuar rreth orës 17:00.
“Një person ka rënë nga një lartësi në një objekt në Fushë Kosovë, derisa ishte duke punuar. I lënduari është dërguar në QKUK për trajtim mjekësor”, deklaroi Ahmeti.
Ajo bëri të ditur se policia, në koordinim me prokurorinë dhe Inspektoratin e Punës, ka nisur hetimet për të sqaruar rrethanat e rastit.
