Trepça dhe Bashkimi do të përballen në serinë finale të “play-offit” në Superligën e Kosovës në basketboll.
Federata e Basketbollit të Kosovës (FBK), të enjten ka publikuar orarin e ndeshjeve finale, ku kampion do të shpallet ekipi që regjistron katër fitore.
Seria e ndeshjeve finale, nis këtë vikend në Mitrovicë. Në fakt, dy ndeshjet e para të serisë finale do të luhen në Mitrovicë për të vazhduar pastaj me dy tjerat në Prizren.
Pas katër ndeshjeve të para, do të jetë nga një duel në Mitrovicë dhe Prizren kurse Trepça ka përparësinë e terrenit nëse seria shkon deri në përballjen e shtatë.
Ndeshjet do të luhen të dielën dhe të mërkurën, saktësisht më datat 10, 13, 17, 20, 24, 27 dhe 31 maj.
