Kryetari i Aleancës për Ardhmërinë e Kosovës, Ramush Haradinaj, u ka bërë thirrje bashkëkombasve në diasporë që të regjistrohen për të ushtruar të drejtën e votës në proceset zgjedhore në Kosovë.
Përmes një video-mesazhi, Haradinaj ka theksuar se afati për regjistrimin e votuesve nga diaspora është i hapur deri më 17 maj.
Ai ka shtuar se përmes votës, qytetarët që jetojnë jashtë vendit ruajnë lidhjet me atdheun dhe kontribuojnë për të ardhmen e Kosovës.
“Të nderuar bashkëkombas në diasporë, regjistrimi juaj për të votuar do të zgjasë deri më 17 maj. Duke e shfrytëzuar të drejtën e votës, ju i ruani lidhjet e forta me atdheun dhe kontribuoni për të ardhmen e Kosovës. Prandaj, regjistrohuni,” thuhet në mesazhin e tij.
