Analisti, Muhamet Bytyqi ka kritikuar Lëvizja Vetëvendosje për, siç thotë ai, paaftësinë për të ndërtuar koalicione me subjektet e tjera politike, duke e cilësuar këtë si shkaktar të krizave të përsëritura politike në vend.
Sipas Bytyqit, që nga shpallja e pavarësisë së Kosovës në vitin 2008, skena politike ka qenë e ndërtuar mbi marrëveshje dhe bashkëpunime ndërmjet partive, pavarësisht mbështetjes së madhe popullore që kanë pasur liderë të ndryshëm ndër vite.
Ai përmendi si shembuj ish-presidentin Ibrahim Rugova dhe ish-presidentin Hashim Thaçi, duke theksuar se edhe ata, pavarësisht fuqisë politike, kanë ndërtuar stabilitet institucional përmes kompromiseve dhe koalicioneve.
“Paaftësia e LVV-së për të ndërtuar koalicione me të tjerët e ka prodhua një krizë të përsëritur gjatë këtyre gati dy viteve, ne në provojnë tonë të re si shtet që jemi nga 2008 kështu me kapacitete të plota institucionale, gjithmonë i është imponuar me bë marrëveshje dhe koalicione qysh nga koha e Ibrahim Rugovës, pastaj me Hashim Thaçi. Liderët të cilët kanë pasur mbështetje të madhe popullore gjithmonë ka pasur përgjegjësi për të krijuar një lloj stabiliteti institucional e politik….. Jemi në këtë situatë sepse partia që ka fituar më 28 dhjetor nuk ka dashur me bë asnjë lloj kompromisi për të ndërtuar një lloj bashkëpunimi me të tjerët”, ka deklaruar ai në emisionin “Ditari” në Tëvë1.
“Jemi në këtë situatë sepse partia që ka fituar zgjedhjet nuk ka treguar gatishmëri për kompromis dhe bashkëpunim me të tjerët,” u shpreh ai, duke shtuar se përgjegjësia kryesore bie mbi LVV-në.
Bytyqi theksoi se votuesit kanë dhënë besimin e tyre me shumë sakrifica, me pritjen që institucionet të jenë stabile dhe funksionale për një mandat të plotë qeverisës.
Megjithatë, sipas tij, vendi po përballet sërish me një krizë politike që nuk garanton zgjidhje të qëndrueshme dhe rrezikon zhvillimin institucional të Kosovës.
“Mendoj që faji është te VV-ja edhe është përgjegjësi e madhe ndaj votuesve të cilët me shumë sakrifica kanë ardhur mbasi për t’i dhënë vlerësimi një subjekti të caktuar politik i cili në vend që të merrte mandatin për katër vite dhe të kryente projekte të cilat janë shumë të nevojshme për Kosovën që t’i jepte institucione të reja Kosovës, ata prapë na dërgojnë në një krizë të re e cila nuk është që të siguron zgjidhje të qëndrueshme”, tha ai./teve1.info/
