Inspektorati Policor i Kosovës ka njoftuar se dy zyrtarë policorë janë përfshirë në një incident me të shtëna me armë zyrtare në fshatin Mramor, në Komunën e Prishtinës.
Sipas Inspektorati Policor i Kosovës, rasti ka ndodhur më 27 prill 2026, pasi janë pranuar informata nga Policia e Kosovës lidhur me të shtënat. Në njoftim thuhet se të dyshuarit janë zyrtarë policorë, të cilët në momentin e incidentit ndodheshin jashtë detyrës zyrtare, ndërsa dyshohet se kanë përdorur armët e tyre zyrtare.
“IPK ka zhvilluar menjëherë veprime hetimore fillestare ndaj dy zyrtarëve policorë nga Stacioni Policor ‘Veriu’ në Prishtinë, të cilët dyshohen për veprën penale ‘Përdorimi i armës apo mjetit të rrezikshëm’”, thuhet në njoftim.
Po ashtu, IPK ka bërë të ditur se është rekomanduar suspendimi i dy policëve, ndërsa hetimet për rastin janë duke vazhduar.
