Në Kuvendin e Kosovës është shqyrtuar në lexim të dytë Projektligji për Masat e Përkohshme të Produkteve Themelore në raste të veçanta të destabilizimit në treg, por ai nuk ka marrë përkrahjen e partive opozitare.
Deputeti i Partisë Demokratike të Kosovës, Arben Mustafa, ka kritikuar projektligjin duke thënë se nuk duhet t’i jepet një subjekti politik apo institucioni i vetëm kompetenca për përcaktimin e çmimeve në treg.
Nga ana tjetër, deputetja e Lidhja Demokratike e Kosovës, Janina Ymeri, ka deklaruar se partia e saj e mbështet ligjin në parim, por jo mënyrën se si është hartuar ai.
Ndërkohë, shefi i Grupit Parlamentar të Aleancës për Ardhmërinë e Kosovës, Besnik Tahiri, ka kritikuar gjithashtu projektligjin, duke thënë se ai centralizon vendimmarrjen në Qeveri dhe Ministrinë përkatëse, duke lënë pak hapësirë për mekanizma të tjerë institucionalë.
Debati për këtë projektligj po vazhdon akoma në seancë.
