Gjykata Themelore në Prishtinë ka shpall aktgjykim dënues ndaj Naim Murselit, Granit Plavës dhe Kushtrim Kokallës,të akuzuar për vrasjen e Liridona Ademajt, më 29 nëntor 2023.
Naim Murseli dhe Granit Plava janë dënuar me burgim të përjetshëm, kurse Kushtrim Kokalla me 30 vjet burgim.
“Gjykata në bazë të dispozitave ligjore të Kodit Penal të Republikës së Kosovës si dhe neneve 3,7,8, 360 dhe 364 të Kodit të Procedurës Penale të akuzuarit i gjykon, të akuzuarin Nasim Murseli dhe Granit Plava ju shqipton dënim me burgim të përjetshëm, të akuzuari Kushtrim Kokalla i shqiptohet dënim me kohëzgjatje prej 30 viteve, tha gjyqtarja e rastit.
Ajo tha të akuzuarve u vazhdohet masa e paraburgimit.
Të akuzuarit nuk ishin në seancën ku u mor vendimi.
Mbrëmjen e 29 nëntorit të 2023-ës, Liridona Ademaj u vra në një rrugë në fshatin Bërnicë të Prishtinës, teksa ishte në veturë bashkë me bashkëshortin Naim Murselin dhe dy fëmijët e tyre.
