Qeveria e Kosovës ka miratuar projektligjin e marrëveshjes ndërmjet Qeverisë së Kosovës dhe Këshillit të ministrave të Shqipërisë për Lojërat Mesdhetare “Prishtina 2030”.
Kryeministri Kurti ka thënë se qëllimi i kësaj marrëveshje është organzimi sa më i mirë i Lojërave Mesdhetare.
Ai ka thënë se kjo marrëveshje është një iniciativë strategjike që forcon bashkëpunimin ndërmjet Kosovës dhe Shqipërisë dhe promovon vendin në arenën ndërkombëtare.
“Qëllimi i kësaj marrëveshje është sigurimi i organizimit të suksesshëm të Lojërave mesdhetare përmes një kornize të qartë bashkëpunimi ndërmjet dy vendeve, ku Kosova vepron si shtet mirëpritës, ndërsa Shqipëria merr rolin e partnerin për organizmin e disiplinës së lundrimit në Durrës. Përmes këtij bashkëpunimi sigurohet realizmi i plotë i detyrimeve që rrjedhin nga kontrata e qytetit mikëprites. Është në iniciativë strategjike që forcon bashkëpunimin ndërmjet dy vendeve dhe promovon Kosovën në arendën ndërkombëtare”, ka thënë Kurti në mbledhjen Qeverisë.
