Pas 27-vitesh pritje, fjala sot nuk dilte lehtë.
Në familjen e Sinanit, lajmi për gjetjen e eshtrave të tij solli kujtime që nuk janë shuar as pas gati tri dekadash.
Rexhep Sejdiu, daja i 9-vjeçarit tregon se çka i mbetet peng nga ajo ditë e zhdukjes së tij.
“Ka shku pa prezencë të anëtarëve të familjes në spital, në dorën e gjakatarëve… na e dijmë që lufta meremet nuk bon, dikon duhet me vra. Sot është pak një dhimbje e dyfishtë mirëpo prapë është një lehtësim kur e dijmë që është në tokën e vet”, ka thënë daja i Sinanit, Rexhel Sejdiu.
Të njëjtën dhimbje për Sinanin e ndan edhe një familjare e tij.
“Kjo ditë për neve është si mu ringjall Sinani. Na i kemi humb shpresat por me shpresa jeton njeri. Ishalla krejt gjenden qeshtu si Sinani e kanë fatin si na që e patëm”, tha familjarja e Sinanit, Lima Gashi.
Sinan Dauti, asokohe 9-vjeçar, ishte plagosur nga forcat serbe më 12 prill 1999, e vetëm pas dy ditësh kishte vdekur, dhe për trupin e tij u bë e ditur javën e kaluar, pas 27 vitesh i zhdukur.
