Komisioni Disiplinor dhe i Etikës i FFK-së e ka dënuar Llapin me një ndeshje pa praninë e tifozëve për shkak të lëshimeve organizative në ndeshjen ndaj Drenicës.
“Para fillimit të ndeshjes tifogrupi vendas ofendojë në kor klubin mysafir si dhe disa herë gjatë ndeshjes në kor ofendojë tifozët mysafirë.
Në min 38 hudhet një mjet tymues në fushë nga tifozët vendas por pa pasoja. Para fillimit të pjesës së dytë derisa lojtarët ishin duke dalur në fushë, nga tifozët vendas hudhet një mjet i fortë në drejtim të lojtarëve mysafirë, fatmirësisht nuk goditet askush.
Pas përfundimit të ndeshjes gjatë shkuarjes në zhveshtore lojtarët e skuadrës mysafire sulmohen nga tribuna nga tifozët vendas me mjete të ndryshme; shkopinjë, shishe PVC etj. Gjatë largimit nga Podujeva edhe pse të përcjellur nga Policia, autobusi i skuadrës mysafire është sulmuar dhe dëmtuar me gur (është thyer xhami). Sipas raportit të delegatit të ndeshjes Llapi-Drenica”, thuhet në vendimin e Disiplinorit.
Për këtë arsye Llapi është dënuar edhe me gjobë prej 2000 euro, si dhe obligohet që dëmin e shkaktuar të autobusit të FC “Drenica”, ta paguajë në afatin prej 15 ditëve.
