Deputetja e Lidhjes Demokratike të Kosovës, Hykmete Bajrami, ka deklaruar se kryeministri i Kosovës, Albin Kurti, po planifikon ta çojë vendin në zgjedhje të reja.
Në një postim në Facebook, Bajrami ka thënë se kjo është arsyeja pse Lëvizja Vetëvendosje po insiston që projektligjet të kalohen me procedura të përshpejtuara.
Ajo i ka bërë këto komente në kohën kur Kuvendi është duke mbajtur seancë të jashtëzakonshme me 10 pika në rend dite, ndërsa partitë opozitare po kundërshtojnë votimin e projektligjeve, duke argumentuar se nuk kanë pasur kohë të mjaftueshme për t’i shqyrtuar ato.
Postimi i plotë:
Albin Kurti po na çon në zgjedhje.
Kjo është arsyeja pse po don me i kalu ligjet me afate të përshpejtume. Albini po don me kry punë me Kuvend dhe mandej me qeverisë pa Kuvend dhe pa mbikëqyrje.
Prej dhjetorit të vitit 2024 s’ka pasë Kuvend funksional. Tash me kalu ligje me shmangie.
Pse këto urgjenca?
Urgjencë me ba ligje që s’mund të zbatohen kurrë.
