Izraeli ka bombarduar Bejrutin në një sulm shkatërrues që autoritetet thonë se ka çuar në qindra viktima, përfshirë të vdekur dhe të plagosur, ka raportuar Al Jazeera.
Kryeministri libanez, Nawaf Salam thotë se Izraeli po sulmon lagjet libaneze me popullsi të dendur dhe po vret “civilë të pambrojtur”.
Izraeli “mbetet krejtësisht i pavëmendshëm ndaj të gjitha përpjekjeve rajonale dhe ndërkombëtare për të ndaluar luftën – për të mos përmendur shpërfilljen e plotë të parimeve të së drejtës ndërkombëtare dhe të së drejtës humanitare ndërkombëtare, të cilat nuk i ka respektuar kurrë”, tha Salam.
Ministri i Shëndetësisë i Libanit, Rakan Nassereddine, i ka thënë Al Jazeera-s se, “Spitalet janë të mbipopulluara me dëshmorë dhe të plagosur për shkak të sulmeve ajrore [izraelite] në Beirut dhe zona të tjera.”
Ai njoftoi se qindra njerëz mbeten të vrarë dhe plagosur nga sulmet e fundit izraelite, të cilat vinë pas një armëpushimi të vendosur mes SHBA-së dhe Iranit, ku sipas anës iraniane dhe palës ndërmjetësuese, Pakistanit, supozohet të përfshihej edhe Libani.
Avichay Adraee, një zëdhënës ushtarak izraelit, ka pohuar – pa asnjë provë – se Hezbollahu është zhvendosur nga periferitë jugore të Bejrutit në zona të tjera të qytetit.
Duke i bërë jehonë refreneve të ngjashme që Izraeli ka përdorur për të justifikuar luftën e tij gjenocidale kundër palestinezëve në Gaza, Adraee fajësoi grupin libanez për vënien në rrezik të banorëve të kryeqytetit libanez.
100 ambulanca të Kryqit të Kuq në Liban po përgjigjen aktualisht në zonat e synuara dhe ekipet e tyre po punojnë për të transportuar të plagosurit në spitale.
Një video që qarkullon në mediat sociale tregon tym dhe dëme në ndërtesa pas njoftimit të Izraelit se kishte goditur rreth 100 vende në të gjithë Libanin./teve1.info/
غارة تطال كورنيش المزرعة في بيروت pic.twitter.com/PsnOCwE3Y4
— Lebanon Debate (@lebanondebate) April 8, 2026
