Qeveria e Kosovës ka miratuar nismën për lidhjen e një marrëveshjeje financiare ushtarake me Republikën e Turqisë, e cila parasheh mbështetje prej 200 milionë lirash turke për forcimin e kapaciteteve të Forcës së Sigurisë së Kosovës.
Ministri i Mbrojtjes, Ejup Maqedonci, bëri të ditur se kjo marrëveshje synon rritjen e aftësive operacionale dhe modernizimin e FSK-së, në përputhje me objektivat strategjike të vendit në fushën e sigurisë dhe mbrojtjes.
Sipas tij, mbështetja financiare nga Turqia do të ndikojë drejtpërdrejt në avancimin e kapaciteteve profesionale dhe teknike të forcave të sigurisë, duke kontribuar në rritjen e gatishmërisë dhe bashkëpunimit ndërkombëtar./teve1.info/
