Autore: Riga Gjata
Njihet si kompani e specializuar në mobile shtëpiake me cilësi të lartë “Made in Italy”.
E këtë të mërkurë, “Amre” priti në një vizitë ambasadorin Italian në Kosovë, Maurizio Antonini.
Kjo vizitë përfaqësoi një vlerësim të drejtpërdrejtë për punën dhe përkushtimin e kompanisë “AMRE” në sjelljen e produkteve premium në tregun kosovar.
E njohur për standardet e larta dhe përzgjedhjen e kujdesshme të produkteve, “AMRE” ofron mobilje që ndërthurin dizajnin modern me mjeshtërinë tradicionale italiane.
Gjatë vizitës, Ambasadori Antonini pati mundësinë të njihet nga afër me gamën e gjerë të produkteve që kompania ofron, duke përfshirë mobile për ambiente të ndryshme të shtëpisë, të karakterizuara nga cilësia e materialeve, funksionaliteti dhe estetika e rafinuar.
Aty, u prit me një mirëseardhje të ngrohtë nga udhëheqësi i kompanisë, Rrahim Spahiu.
E ndërsa ambasadori italian, u shpreh se vizita në showroom-in e kompanisë “AMRE” ishte një surprizë shumë e këndshme për të.
Siç tha ai, realiteti tregon qartazi raportin e ngushtë që Italia ka me Kosovën.
Që nga viti 2000, “AMRE” ka ndërtuar një reputacion të fortë për mobilje cilësore dhe shërbim të jashtëzakonshëm ndaj klientëve.
