Zyra e Kryeministrit ka njoftuar se gjatë takimit, Kurti është zotuar se do të angazhohen në zbatimin e këtij udhërrëfyesi.
“Kryeministri Kurti dhe Përfaqësuesi Special i BE-së, z. Lajčák folën edhe për marrëveshjen mbi zbatimin e udhërrëfyesit të energjisë sipas marrëveshjeve të vitit 2013 dhe 2015. Ai theksoi angazhimin e Qeverisë në zbatimin e tij, me qëllim të përfundimit të një problematike të trashëguar, tё furnizimit dhe pagesёs sё energjisё nё katër komunat nё veri tё vendit”, thuhet ndër tjerash në njoftim.
Sipas njoftimit, gjatë takimit është biseduar rreth qasjes konstruktive përgjatë tërë procesit të dialogut si dhe parimet, vlerat e synimin e këtij procesi.
“Kryeministri Kurti ritheksoi se Qeveria e Republikës së Kosovës është e angazhuar për dialog parimor, nga i cili duhet të përfitojnë qytetarët e të dyja vendeve, nëpërmjet një marrëveshjeje të qëndrueshme dhe të zbatueshme, që në qendër ka njohjen reciproke”, thuhet në njoftim./teve1.info/
