Mesfushori Ylber Ramadani mund të largohet nga skuadra e Lecces por jo edhe nga Serie A e Italisë.
Bëhet e ditur se Ramadani është pranë një aventure të re, pasi Ramadani ka tërhequr interesimin e skuadrës së Torinos.
Ramadani po e luan sezonin e tretë në elitën e futbollit italian, duke u shndërruar në një lojtar kyç të Lecces në repartin e mesfushës.
Megjithatë, thuhet se sipas të gjitha gjasave, ky sezon mund të jetë i fundit për 30-vjeçarin te Lecce, ekip që ka 1 gol të shënuar në 29 ndeshje kampionale deri më tani.
Është trajneri i Torinos, Roberto D’Aversa, ai që po insiston për Ramadanin pasi e njeh mirë mesfushorin e Kombëtares së Shqipërisë, me të cilin ka punuar më përpara.
Për të finalizuar transferimin e Ramadanit këtë verë, Torino duhet të paguajë rreth 2.5 milionë euro pasi ka kontratë me Leccen deri në verën e vitit të ardhshëm.
