Kryetari i Prishtinës, Përparim Rama ka pezulluar nga puna dy inspektorët dhe zyrtarin përgjegjës pas shembjes së dheut në punishten ndërtimore në rrugën “Don Shtjefën Kurti”.
Rama ka njoftuar poashtu se punishtet ndërtimore do t’i nënshtrohen inspektimit të rreptë.
“Janë pezulluar nga puna dy inspektorët e zonës ku ka ndodhur rasti, si dhe zyrtarin përgjegjës për lëndën. Punishtet ndërtimore duhet t’i nënshtrohen inspektimit të rreptë dhe të vazhdueshëm nga Inspektorati komunal, në mënyrë që të garantohet siguria e punëtorëve, qytetarëve dhe cilësia e punimeve sipas projektit të pranuar”, ka shkruar Rama.
Ai ka thënë se janë të hapur për bashkëpunim me Prokurorinë Themelore të Prishtinës për hetimet lidhur me këtë rast.
Prokuroria Themelore në Prishtinë ka njoftuar se ka iniciuar rast ndaj zyrtarëve përgjegjës të Komunë së Prishtinës./teve1.info/
