Por qytetarët po ankohen për mungesën e shtigjeve.
Ndërsa eksperti i komunikacionit tregon zonat në të cilat duhet të përdoren trotinetët elektrik.
“Po, kryesisht zonat e rrafshëta sepse Prishtina ka edhe zona tjera të cilat pjerrtësitë e lëvizjes janë mbi 6%, dmth vetë ku thuajse trotineti ka mundësi të lëvizë sepse e dimë, mirëfilli që ka motor elektrik edhe ai motori elektrik edhe harxhohet shpejt edhe nuk është aq i fuqishëm sa të ngjitet nëpër këto zona”, thotë Bekim Ahmeti.
Ai thekson zonat e rrezikuara të kalimit me trotinetë elektrik.
“Aty ku nuk ka shtigje për biçiklist dmth defacto nuk ka as për trotineta, që mund t’i shfrytëzojnë nga njëra anë dhe ana tjetër, gjithmonë ka rrezikshmëri për arsye që automjetet lëvizin së bashku me biçiklist, që shumicën e rasteve biçiklistët janë të rrezikum”, shprehet Ahmeti.
Por nga komuna e Prishtinës kanë thënë se janë duke punuar për rregulloren e trotinetëve elektrik.
“Ne jemi në mungesë të infrastrukturës është shumë e vërtetë, mirëpo gjithsesi në projektet të cilat i kemi me Bankën Botërore sa i përket mobilitetit janë të parapame shtigjet e biçikletave, e që këto shtigje do të shfrytëzohen për trotinet elektrik, mirëpo gjithsesi rregullorja është e domosdoshme, i jep kahje dhe e rregullon përdorimin e tyre”, ka thënë Ilirik Musliu – drejtor i shërbimeve publike në komunën e Prishtinës.
Tutje, Musliu theksoi se deri në fund të muajit do të hartohet draft rregullorja për trotinetët elektrik, e cila do të jetë edhe në dëgjim publik.
Kronika e realizuar nga Besiana Visoka
