Një aksident i rëndë është regjistruar mbrëmjen e sotme (22 mars) në rrugën e Lumit të Vlorës, ku bëhet me dije se dy persona kanë humbur jetën dhe një tjetër ka mbetur i plagosur.
Aksidenti u regjistrua pranë fshatit Kotë, ku u përplasen dy automjete. Fatkeqësisht, drejtuesit e të dy automjeteve, me inicialet A.A dhe E.B., kanë ndërruar jetë, ndërsa i plagosur ka mbetur pasagjeri që ndodhej në njërën nga makinat. Ai është dërguar në spital, ku ndodhet në gjendje të rëndë shëndetësore. Për momentin nuk bëhen me dije më shumë informacione mbi shkaqet e aksidentit, teksa policia ka rrethuar zonën dhe ka nisur hetimet për të zbardhur ngjarjen./rtsh.al/
