Komuna e Mitrovicës ka miratuar një subvencion prej 10 centësh për çdo litër qumështi të prodhuar nga fermerët lokalë.
Këtë e ka bërë të ditur kryetari i komunës, Faton Peci, i cili theksoi se mbështetja për sektorin e bujqësisë do të vazhdojë dhe do të jetë e qëndrueshme.
Ai u shpreh se për herë të parë fermerët në këtë komunë do të përfitojnë subvencione për prodhimin e qumështit, duke e cilësuar këtë si një hap të rëndësishëm për zhvillimin e bujqësisë.
Sipas tij, bujqësia mbetet një nga prioritetet kryesore të komunës, ndërsa ky vendim është vetëm fillimi i mbështetjes më të gjerë për fermerët.
