Myftiu Naim Tërnava ka uruar besimtarët myslimanë me rastin e festës së Fitër Bajramit, në përfundim të muajit të shenjtë të Ramazanit.
Në mesazhin e tij, ai theksoi se kjo festë përcjell vlerën e ndarjes së gëzimit me të tjerët dhe rëndësinë e solidaritetit mes njerëzve.
“Bajrami na kujton se humanizimi nuk është vetëm ndjenjë, por edhe detyrim”, u shpreh Tërnava.
Ai shtoi se Fitër Bajrami është një thirrje për paqe, mirësi dhe drejtësi, duke inkurajuar besimtarët që këto vlera t’i vazhdojnë edhe pas përfundimit të Ramazanit.
Sipas tij, kjo festë shërben si kujtesë për fisnikërinë njerëzore dhe për përhapjen e vlerave pozitive në shoqëri.
