Kryeministri i Kosovës, Albin Kurti ka vlerësuar rolin filozofit gjerman Jürgen Habermas i cili vdiq të shtunën, në ndërhyrjen e NATO-s në Kosovë.
Në një reagim në Facebook, duke e cilësuar atë si një nga mendimtarët më të shquar bashkëkohorë dhe një zë të rëndësishëm të debatit publik në Evropë, Kurti ka thënë se Habermasi u bë zëri i Kosovës në një kohë kur kishte dallime sa i për intervenimin e NTO-s
“Në fund të shekullit të kaluar, kur ne po kalonim ditët më kritike si popull i kërcënuar ekzistencialist nga Jugosllavia e Tretë, përkatësisht Serbia e Millosheviqit, dhe kur opinioni botëror ishte i ndarë më dysh në lidhje me ndërhyrjen ushtarake të NATO-s, Habermasi arriti ta shquante dallimin thelbësor të kësaj ndërhyrjeje. Ndonëse e paautorizuar nga Këshilli i Sigurimit, sipas Habermasit, ndërhyrja e NATO-s në luftën e Kosovës kishte gjithë legjitimitetin e nevojshëm moral”, ka shkruar Kurti në Facebook të dielën.
Ai tha se dielën “humbëm edhe një social-demokrat europianist që mbronte me zell idenë e një Europe të bashkuar e demokratike nën idealet e të drejtave të njeriut, lirisë, barazisë e solidaritetit. Tani që kjo ide ndodhet nën kërcënime të llojllojshme, zëri i Habermasit do t’i mungojë të majtës mbarë europiane. Megjithëkëtë, jam i bindur se vepra e tij do të mbetet një referencë e rëndësishme gjersa ballafaqohemi me sfidat e së ardhmes”, ka shkruar Kurti.
