“Ne përballemi me një krizë urie të paprecedentë”, tha Guterres në takimin virtual të zhvilluar në Berlin. “Lufta në Ukrainë ka komplikuar edhe më shumë problemet që kanë lindur prej vitesh: ndryshimet e klimës; pandemia COVID-19; rimëkëmbja thellësisht e pabarabartë.”
Më shumë se 460,000 njerëz në Somali, Jemen dhe Sudanin Jugor janë në kushte urie ekstreme, sipas Klasifikimit të Fazës së Sigurisë Ushqimore të Integruar (IPC) – një shkallë e përdorur nga agjencitë e OKB-së, organet rajonale dhe grupet e ndihmës për të përcaktuar pasigurinë ushqimore. Ky është hapi përpara shpalljes së urisë në një rajon.
“Ekziston një rrezik real që shumë shtete do të deklarojnë krizë urie në vitn 2022. Dhe viti 2023 mund të jetë edhe më keq”, tha Guterres,
Guterres tha se nuk do të kishte një zgjidhje efektive të krizës, vetëm nëse Ukraina dhe Russia, të cilat prodhojnë së bashku rreth 29% të eksporteve të drithërave, gjejnë një rrugëdalje për të rifilluar tregtinë.
Kombet e Bashkuara dhe Turqia po përpiqen të ndërmjetësojnë një marrëveshje.
