Policia e Kosovës ka sekuestruar armë, fishekë, substanca narkotike e shishe që përmbanin lëndë me mekanizëm ndezës.
Të gjitha këto janë sekuestruar pas një operacioni të zhvilluar të enjten në banesë e të dyshuarit L.Sh në Suharekë.
Aksioni është zhvilluar me urdhër të Gjykatës Themelore në Prizren.
“Gjatë kontrollit policor janë gjetur dhe sekuestruar rreth 178.72 gram substancë e dyshuar narkotike e llojit marihuanë dhe 0.91 gram substancë e dyshuar narkotike e llojit kokainë. Po ashtu janë sekuestruar edhe një armë zjarri automatike (dyshohet me gas) e markës BLOË/SËAT pa numër serik me një karikator, 16 fishekë të kalibrit 9 mm, një rrotull foli alumini dhe një telefon mobil. Gjatë kontrollit janë gjetur edhe katër shishe të përgatitura në mënyrë artizanale, të dyshuara se përmbanin lëndë djegëse me mekanizëm ndezës”, thuhet në komunikatën e Policisë.
Në vendin e ngjarjes janë gjetur gjithashtu para të gatshme në vlerë prej 350 euro dhe 60 franga zvicerane, si dhe një çelës i derës së banesës.
Me urdhër të prokurorit kujdestar të Departamentit për Krime të Rënda, ndaj të dyshuarit është caktuar masa e ndalimit për 48 orë dhe ai është dërguar në qendrën e ndalimit./teve1.info/
