Udhëtimi i Neymar vazhdon mes ambicieve dhe pengesave. Sulmuesi brazilian, aktualisht te Santos, ende po vuan nga një karrierë e dëmtuar nga probleme të ndryshme fizike vitet e fundit, por një qëllim mbetet i qartë në mendjen e tij, pjesëmarrja në Kupën e Botës 2026, e cila do të luhet në Amerikën e Veriut.
Tiago Silva, i cili në moshën 41 vjeç vazhdon të ndjekë nga afër progresin e ‘Seleçaos’, foli gjithashtu në mbështetje të Neymarit.
Ish-mbrojtësi dhe kapiteni e bëri shumë të qartë qëndrimin e tij kur foli për TNT Sports: “Nëse Neymar është në formë të mirë, ai duhet të luajë në Kupën e Botës. Duke pasur parasysh nivelin që ka treguar, ai duhet të jetë atje, kjo është e padiskutueshme.”
Për Silvën, vetë prania e numrit dhjetë është një faktor përcaktues: “Kur Neymar është në fushë, ai është tashmë një dhimbje koke e vërtetë për ekipin kundërshtar”, tha shkurtimisht braziliani.
