Pas fitores 6:1 ndaj Atalantas në Bergamo, Bayerni mund të fillojë planifikimet për çerekfinalen e Ligës së Kampionëve, edhe para ndeshjes së kthimit me ekipin italian në Mynih.
Për më tepër, Joshua Kimmich dhe Michael Olise do të jenë në dispozicion për përballjet me Manchester Cityn apo Real Madridin. Ata morën kartonë të verdhë të martën mbrëma. Kjo do të thotë se do të mungojnë në ndeshjen e kthimit ndaj Atalantas, por përfundimisht jo në çerekfinale.
Dy lojtarët e Bayernit në një mënyrë kërkuan vetë që të ndëshkohen, duke e vonuar lojën. Të dy ishin të vetëdijshëm që me kartonët e radhës do të jenë të suspenduar për ndeshjen e radhës, dhe të “lirë” për ndeshjet çerekfinale.
Mediumi i fuqishëm gjerman, Kicker, ka pyetur nëse kjo është zgjuarsi apo veprim josportiv.
