Bujar Pllana është futbollisti i radhës që do ta përfaqësojë Shqipërinë në nivelin senior, ndonëse te Kosova ka kaluar nëpër të gjitha grupmoshat.
Mbrojtësi që luan në Poloni te Lechia Gdansk, në nivelin ndërkombëtar do të paraqitet me fanellën e Shqipërisë, gjë që tashmë është konfirmuar.
24-vjeçari është pajisur me pasaportën e Shqipërisë, ndërsa FIFA tashmë ka pranuar edhe ndryshimin e ekipit kombëtar të Pllanës.
Në fakt, mësohet se ishte Federata e Futbollit të Kosovës, ajo që i ka dhënë leje Pllanës për të kaluar te Shqipëria, ndonëse është prodhim vendor pasi ka bërë karrierë te Trepça ’89, Feronikeli dhe Prishtina.
Para se të transferohet te Lechia në Poloni, Pllana ka luajtur edhe në Kroaci te Sllaven Belupo kurse pritet të ftohet nga selektori i Shqipërisë, Sylvinho për grumbullimin e këtij muaji.
