Sulmuesi i Malishevës, Laurent Xhylani është vlerësuar futbollisti më i mirë i xhiros së fundit në Superligën e Kosovës.
Xhylani ka fituar çmimin “Ylli i Javës” që ndahet për çdo xhiro të Superligës nga Federata e Futbollit të Kosovës.
Xhylani është shpallur më i miri për xhiron e 23-të, duke marrë vlerësimin maksimal nga Komisioni i Veteranëve të futbollit.
Në fakt, Xhylani ka shkëlqyer në fitoren e Malishevës 3:0 ndaj Prishtinës, duke shënuar dy gola për 90-të minuta lojë.
Pasi mori çmimin “Ylli i Javës”, Xhylani është shprehru tejet i lumtur që është vlerësuar si lojtari më i mirë i javës.
Ai shtoi se fitorja ndaj Prishtinës ishte shumë e rëndësishme për Malishevën, ndërsa pranoi se është i gëzuar për çmimin për të cilin falënderoi bashkëlojtarët kurse ia dedikoi ëmës së tij.
Për Xhylanin 21-vjeçar, golat kundër Prishtinës ishin të parët këtë sezon në elitën e futbollit kosovar, ku ka regjistruar 23 paraqitje dhe ka edhe 4 asistime.
