Ministrja e Mjedisit dhe Planifikimin Hapësinor, Fitore Pacolli ka njoftuar se ka nxjerrë vendim që ndalon rreptësisht çdo lloj aktiviteti ndërtimor pa leje në Parqet Kombëtare.
Pacolli ka thënë në bazë të vendimit ndalohet hyrja e çdo automjeti që bartë materiale ndërtimore dhe mjeteve të rënda.
“Sot kam nxjerrë vendim që të ndalohet rreptësisht çdo lloj aktiviteti ndërtimor pa leje brenda Parqeve Kombëtare “Bjeshkët e Nemuna” dhe “Sharri” në Kosovë. Me këtë vendim ndalohet hyrja, transporti dhe qarkullimi i çdo mjeti që shërben për bartjen e materialeve ndërtimore, si dhe përdorimi i mjeteve të rënda të punës si ekskavatorë, betonierë, buldozerë, kamionë vetëshkarkues dhe makineri të ngjashme. Ky është hapi ynë i parë në përpjekjen për të rikthyer ligjshmërinë dhe rendin në zonat e mbrojtura.
Parqet tona kombëtare janë pasuri e përbashkët që duhet ruajtur secili nga ne”, ka shkruar ajo.
