Salla është bërë gati mesditën e së dielës.
Edhe delegatët zunë vendin.
E secili nga ta, duhet ta konfirmojë prezencën.
Kjo meqë këta të fundit, nga partia u njoftuan për mbledhjen e radhës të Këshillit të Përgjithshëm të Lëvizjes Vetëvendosje.
Por, të gjithë u desh të prisnin rreth një orë, nga koha e caktuar për fillimin e mbledhjes së 62-të.
Kjo meqë vetëm në ora 13:00, arriti edhe kryetari i partisë, Albin Kurti.
Fillimisht, u intonuan himnet.
E ai që erdhi i fundit, fjalën e mori i pari.
Kryeministri i Kosovës, Albin Kurti, tregoi opsionin e tij të preferuar për president ntë Kosovës.
“Takimet kanë qenë konstruktive dhe fillimisht ka qenë e paekspozuar se vendi ka nevojë për një figurë unifikuese. Një figurë e tillë, padiskutueshme për të gjithë, sigurisht do të ishte një kandidat nga familja emblematike Jashari. Bindja ime ka qenë dhe vazhdon të mbetet se një figurë e profesorit e personalitetit si Murat Jashari do të gëzonte mbështetjen e gjithë spektrit politik, do të ishte nder për Republikën, stabilitet për institucionin dhe siguri për kombësinë”, u shpreh Kurti.
Por, në mungesë të një figure të tillë unifikuese, tha se kanë mbetur opsionet e tjera kushtetuese.
“Nëse nuk arrijmë të gjejmë një figurë unifikuese që siguron mbështetjen e së paku 80 deputetëve, atëherë një nga opsionet e mbetura është që secili subjekt të propozojë kandidatët e tyre partiakë dhe të gjithë t’i nënshtrohen garës brenda Kuvendit. Këtë e mundëson edhe kushtetuta, e cila garanton një proces demokratik ku së paku dy kandidatë i nënshtrohen një gare të drejtë, me votim të siguruar, duke shmangur nevojën për zgjedhje të jashtëzakonshme. Në fund, do të fitojë ai ose ajo që arrin të marrë mbështetjen e deputetëve në cilindo nga raundet, ashtu siç e kërkon kushtetuta në procedurën e saj”, tha Kurti.
Kurti shtoi se edhe një takim për këtë çështje, do ta mbajë të hënën me kryetarin e LDK-së, Lumir Abdixhiku.
Ndërsa shpalosi detaje edhe nga takimi i dytë më kreun e PDK-së, Bedri Hamza.
“Pas takimit të dytë që pata me kryetarin e Partisë Demokratike të Kosovës,Bedri Hamza, mu kumtua nga një qëndrim i saktë i tyre, se ata tashmë konsiderojnë se presidenti nga java e ardhshme duhet të vijë nga PDK-ja”, u shpreh kryeministri
Tutje, i pari i ekzekutivit, tregoi se kur pritet të dal paga e 13-të për punëtorët e sektorit publik.
Pas kësaj, mbledhja e 62-të e Këshillit të Përgjithshëm të Lëvizjes Vetëvendosje vazhdoi me pjesën e dytë të punimeve, pa praninë e medieve.
