Presidentja e Kosovës, Vjosa Osmani ka kujtuar masakrën e Qirezit dhe Likoshanit të ndodhur më 28 shkurt 1998, ku vranë e masakruan 20 civilë dhe 4 pjesëtarë të UÇK-së ranë dëshmor.
Osmani ka thënë krimi i serb ishte një përpjekje brutale për ta thyer shpirtin e lirisë që po rritej në Drenicë dhe në mbarë Kosovën.
“Gjaku i të rënëve të Likoshanit dhe Qirezit u bë thirrje për qëndresë, për dinjitet dhe për liri. Ata u bënë pjesë e themelit mbi të cilin u ngrit rrugëtimi ynë drejt çlirimit dhe shtetndërtimit. Kujtimi i martirëve dhe dëshmorëve të Likoshanit dhe Qirezit është amanet për drejtësi dhe për ta ruajtur lirinë me çdo kusht. Lavdi e përjetshme të rënëve të Likoshanit dhe Qirezit”, ka shkruar Osmani.
