Për herë të fundit u soll në Gjykatën Themelore të Prishtinës.
Është ky Endrit Nika, i dyshuari kryesor për vrasjen e të dashurës argjentinase, Maria Clara Urdangaray.
Të enjten, ndaj tij do shpallet aktgjykimi për veprën penale “Vrasje e Rëndë” me të cilën e ngarkon prokuroria.
Trupi gjykues në krye me Gazmend Bahtirin, mori këtë vendim.
“Përmbyllet qartë prej këtyre provave duke përjashtuar çdo mundësi tjetër alternative të rrjedhës së ngjarjes faktike për të cilën i akuzuari shpallet fajtor ashtu që është vërtetuar përtej dyshimit të bazuar se me veprimet e të akuzuarit Endrit Nika përmbushen të gjitha elementet objektive dhe subjektive të veprës penale për të cilën i akuzuari u shpall fajtor”, tha ai
Të pranishëm në gjykatore, ishin edhe prindërit e argjentinases.
Këta u panë të emocionuar, teksa shpalosën fotografinë e Marias ku kërkohej drejtësi.
Ndërsa fjalë patën edhe për të dënuarin, teksa po largohej nga salla.
Të pakënaqur më vendimin, dolën edhe familjarët e të akuzuarit
Pas seancës, nëna e viktimës, doli me një flamur të Kosovës në duar.
Ndërsa tha, se gjithnjë kanë besuar në drejtësinë kosovare.
“E vlerësojmë punën e prokurorit Armend Hamiti dhe sot e ka dëshmnuar angazhimin e tij me të gjitha provat e ka mbështetë të vërtetën, Clara e ka marrë drejtësinë dhe i falënderojmë të gjitha autoriteteve të Kosovës për këtë drejtësi, dhe gjithë shoqërisë për mbështetjen që kemi marrë nga gjithë shoqëria”, u shpreh nwna e argjentinases së vrarë.
Madje ajo shtoi se do ta apelojnë aktgjykimin, pasi kërkojnë dënim më të lartë.
“Kurrë nuk mund të dënohet aq sa meriton… Kjo është diçka që do të konsultohemi me avokatin tonë z.Betim Shala por gjithsesi me shumë gjasë do ta apelojmë këtë vendim… Në sistemin tonë të drejtësisë së Argjentinës një vrasës i gruas, një kryes i femicidit dënohet me burgim të përjetshëm, natyrisht edhe ne e kërkojmë këtë”, u shpreh ajo.
Sipas aktakuzës, Endrit Nika më 1 gusht 2023 në një hotel në Fushë-Kosovë, pas një mosmarrëveshje paraprake e ka nxjerrë kornizën e dritares duke e hedhur të ndjerën nga dritarja e dhomës së hotelit nga kati i gjashtë.
Me ç’rast, tani e ndjera si pasojë e lëndimeve edhe përkundër trajtimit mjekësor ka ndërruar jetë në QKUK.
