E sociologu Bajram Luzha këtë fenomen e sheh si anën më të errët të shoqërisë dhe sipas tij, fëmijët në të shumtën e rasteve janë viktima të vet familjarëve të tyre.
“Një ndër fenomenet apo “anët më të errëta” të shoqërisë është dhuna ndaj fëmijëve. Vet dhuna mund të jetë e formave të ndryshme, si fizike, psikologjike, seksuale e ekonomike. Fëmijët të cilët pësojne dhunë, në shumë raste janë viktimë e personave që i njohin apo familjarëve të tyre. Kjo e bën edhe më të vështirë këtë fenomen, pasi duke qenë se nuk janë të pavarur nuk dinë se ku të kërkojnë apo drejtohen për ndihmë”, tha ai për Tëvë1.
Sociologu tha se arsye pse ndodh dhuna fizike ndaj fëmijëve, është pushteti që të rriturit pretendojnë që kanë mbi fëmijët e tyre.
“Nëse do t’i numëronim disa prej arsyeve se pse ndodh ky fenomen, do të shihnim ndikimin e strukturave shoqërore. Këto arsye përfshijnë: pushtetin që të rriturit (një pjesë) pretendojnë që e kanë ndaj fëmijëve, mendimit se dhuna është mjet disiplinues, “varësise” së fëmiut, neglizhenca e çështjes së fëmijeve nga shoqëria fillimisht e pastaj edhe institucionet me raste”, tha ai.
Kurse theksoi se dhuna të fëmijët mirret si mjet disiplinues, rrjedhimisht socializues.
“Tek ky rast duket se në shoqërinë kosovare i kemi “mbetjet” e sistemeve më tradicionale, ku fëmijët janë pa të drejta dhe dhuna ndaj tyre nuk mirret si dhunë në kuptimin e mirëfilltë të fjalës, por si mjet disiplinues, rrjedhimisht socializues”, tha Luzha./teve1.info./
