Rreth dy orë në Klinikën e Neurologjisë në Prishtinë është raportuar se ka pasur ndërprerje të energjisë elektrike.
Ekipi i tëvë1, që është duke qëndruar në vendngjarje, ka raportuar se shkak i mungesës së energjisë elektrike ka qenë djegia e trafos.
Për zgjidhjen e këtij problemi, në vendin e ngjarjes po qëndrojnë ekipet e KEDS-it dhe Zjarrfikësve.
Zëdhënësja e KEDS-it, Bleona Dallaveraj, në një përgjigje për tëvë1.info ka deklaruar se furnizimi me energji elektrike në trafostacionin “Kirurgjia” është rikthyer.
Sipas zëdhënëses së KEDS-it, aktualisht pa energji elektrike ka mbetur Ambulanta Specialistike, për të cilën, siç tha ajo, ekipet e KEDS-it po punojnë për rikthimin sa më të shpejt të energjisë dhe normalizimin e plotë të situatës.
Dallaveraj ka shtuar se arsyeja e zjarrit në trafos ka qenë një prishje në kthinë mbrojtëse transformatorike në këtë trafostacion.
“Me ndihmën e ekipeve të KEDS-it, furnizimi me energji elektrike në trafostacionin “Kirurgjia” është rikthyer, ndërsa aktualisht pa energji elektrike ka mbetur vetëm Ambulanta Specialistike, për të cilën ekipet e KEDS-it po punojnë intensivisht në rikthimin sa më të shpejtë të energjisë dhe normalizimin e plotë të situatës. Arsyeja e zjarrit ka qenë një prishje në kthinë mbrojtëse transformatorike në këtë trafostacion. Prishja ka ndodhur në anën e përgjegjësisë së QKUK-së, ndërsa ekipet e KEDS-it po vazhdojnë punën në terren për t’u ndihmuar atyre dhe për ta vlerësuar situatën”, thuhet në përgjigjen e KEDS-it./teve1.info/
