Zëvendëskryeministri i parë i deritanishëm Besnik Bislimi, zyrtarisht ia ka dorëzuar detyrën zëvendëskryeministrit të parë të ri, Glauk Konjufca.
Bislimi ka uruar Konjufcën për sukses në angazhimin e ri, duke shprehur besimin se ai dhe ekipi i tij do të vazhdojnë punët e mira dhe do të shërbejnë për interesat e vendit gjatë këtij mandati qeveritar.
“Mirëprita Zëvendëskryeministrin e Parë njëherësh Ministër i Punëve të Jashtme dhe Diasporës të Qeverisë Kurti III, Glauk Konjufca, për të bërë dorëzimin e detyrës. I urova sa më shumë suksese në angazhimin e ri, me bindjen e plotë se Glauku bashkë me ekipin e tij, do të vazhdojnë punët e mbara dhe shërbejnë për interesat e vendit gjatë këtij mandati qeveritar”, ka shkruar ai në Facebook.
