Një person ka mbetur i plagosur si pasojë e të shtënave me armë zjarri mbrëmjen e së mërkurës në rrugën “UCK” në Mitrovicë të Jugut.
Zëdhënësi i Policisë për rajonin e Mitrovicës, Avni Zahiti për tëvë1.info ka bërë të ditur se viktima është dërguar në spital për trajtim mjekësor.
Lidhur me rastin, policia ka arrestuar dy persona të dyshuar, ndërsa në vendin e ngjarjes janë gjetur katër gëzhoja.
“Sonte, rreth orës 19:26, Policia ka pranuar një informatë për të shtëna me armë zjarri, të ndodhura në rrugën e “UÇK ” së, në Mitrovicen e Jugut. Nga hetimet fillestare bëhet e ditur se një person i moshës madhore ka mbetur i plagosur nga arma e zjarrit. I njëjti është dërguar në spital për tretman mjekësor. Lidhur me rastin, policia ka arrestuar dy persona të dyshuar, ndërsa në vendin e ngjarjes janë gjetur katër gëzhoja. Njësitet përkatëse policore janë duke zhvilluar hetimet e mëtejme”, ka thënë Zahiti./teve1.info/
