Rrjeti i OJQ-ve AVONET i është drejtuar me kërkesë urgjente për interpelancë ministrit të Ministrisë së Bujqësisë, Faton Peci, për mos vazhdimin e afatit të aplikimit për pagesat direkte në bujqësi për vitin 2022 në Komunën e Ferizajt, komisionit Parlamentar për Mjedis, Ushqim, Bujqësi, Planifikim dhe Zhvillim.
Në deklaratë thuhet se kjo për AVONET është tejet shqetësuese sepse koha prej 30 ditëve për të aplikuar fermerët ka qenë jo e mjaftueshme dhe kjo ka krijuar që Komuna e Ferizajt afër 200 fermerë kanë mbetur pa e shfrytëzuar të drejtën e aplikimit.
“Drejtori i Drejtorisë së Bujqësisë, Pylltarisë Burim Bajrami, ka kërkuar që të vazhdoj afatin për aplikim për së paku për 10 ditë pune duke marr parasysh fluksin e madh të fermerëve për të aplikuar si dhe në mungesë të stafit për të pranuar këto aplikacione, ndërsa pas tri kërkesave të një pasnjëshme nga Drejtor i Drejtorisë së Bujqësisë, Pylltarisë z. Burim Bajrami, të njejtën kërkesë e ka përsëritur me e-mail zyrtar edhe kryetari i Komunës së Ferizaj z. Agim Aliu, me qëllimin e vetëm që fermerëve mos të ju mohohet e drejta për aplikim, duke pasur parasysh se komunat në këtë rast e kanë përgjegjësinë vetëm për pranimin e aplikimeve, vetëm për të ju mundësuar fermerëve që të aplikojnë, duke mos ju krijuar shpenzime shtesë, si dhe për të kursyer kohën sepse komunat nuk janë palë e interesit”, thuhet në njoftim.
Teksa thuhet se procesi i regjistrimit dhe aplikimit të fermerëve për vitin 2022, zgjatë 30 ditë nga dita e publikimit, sipas AVON ministria e Bujqësisë afatin e ka vazhduar 5 diëtë për të gjitha komunat, përjashtuar komunën e Ferizajit.
“Duke pasur parasysh nenin 38, paragrafin 3 të Udhëzimit Administrativë (MBPZHR) nr. 02/2022 për PAGESAT DIREKTE NË BUJQËSI PËR VITIN 2022, parasheh se procesi i regjistrimit dhe aplikimi të fermerëve zgjatë 30 ditë nga dita e publikimit me mundësi vazhdimi deri 15 ditë, vlerësojmë se ministria afatin është dashtur ta zgjas për 15 ditë duke marr parasysh interesin qytetarë / fermerët me qenëse ky subvencionim është i domosdoshëm për prodhimin e këtyre kulturave, veçmas duke pasur parasysh shtrejtimin e produketeve bazë për kultivimin e këtyre kulturave.Edhe pse UA ka paraparë që vazhdimi i afatit për aplikim mund të zgjatet deri 15 ditë, ministria këtë afat e ka vazhduar vetëm 5 ditë për të gjitha komunat, ndërsa kërkesat e Komunës së Ferizajt nuk janë marr fare parasysh”, thuhet tutje.
AVONET, kërkon nga Komisioni Parlamentar për Mjedis, Ushqim, Bujqësi, Planifikim dhe Zhvillim që të thirr në interpelancë ministrin e ministrisë së Bujqësisë, Pylltarisë dhe Zhvillimit Rural.
