Një shtetas i Kosovës është arrestuar të enjten në Serbi, gjati kalimit transit.
Qytetari i arrestuar sipas avokatit Arianit Koci, është Mit’hat Lozhani.
Ai ka thënë se shteti i Kosovës duhet që rastet e arrestimeve të qytetarëve të saj t’i trajtojë si çështje sigurie.
Sot, rreth orës 11:00, gjatë kalimit transit nëpër Serbi, u ndalua dhe u arrestua nga policia serbe shtetasi i Kosovës, Mit’hat Lozhani. Ky nuk është rast i izoluar. Arrestimet e shtetasve të Kosovës gjatë transitit nëpër Serbi po përsëriten dhe kjo po krijon pasiguri reale për këdo që udhëton përmes atij territori. Nga ana ime në cilësinë e avokatit, po bëhet maksimumi i mundshëm. Megjithatë, mbrojtja efektive e qytetarëve të Kosovës nuk mund të mbetet vetëm në nivel individual. Kjo është përgjegjësi e shtetit, brenda dhe jashtë kufijve të tij”, ka shkruar Koci në Facebook.
Serbia kishte arrestuar shtetas të Kosovës dhe në vitin 2025. Nga qershori deri në dhjetor ishin arrestuar 8 qytetarë shqiptarë të Kosovës. Cak ishin ish-ushtarët e UÇK-së.
Ndërsa, autoritet e Kosovës u kanë bërë thirrje qytetarëve që të shmangin udhëtimet përmes Serbisë./teve1.info/
