Rusia qëlloi rreth 450 dronë me rreze të gjatë veprimi dhe 70 raketa të llojeve të ndryshme drejt Ukrainës në një sulm të madh gjatë natës, tha të martën Presidenti ukrainas Volodymyr Zelensky.
Breshëria e të shtënave erdhi një ditë përpara se të dy vendet të merrnin pjesë në bisedimet e ndërmjetësuara nga SHBA-ja në Abu Dhabi, Emiratet e Bashkuara Arabe, për t’i dhënë fund luftës totale, të cilën Rusia e nisi gati katër vjet më parë.
Bombardimi i të paktën pesë rajoneve të Ukrainës kishte në shënjestër posaçërisht rrjetin elektrik, tha Zelenskyy, si pjesë e fushatës së vazhdueshme të Moskës për t’u mohuar civilëve dritën, ngrohjen dhe ujin e rrjedhshëm në mes të dimrit më të ftohtë të viteve të fundit.
Të paktën 10 persona u plagosën, thanë zyrtarët, sipas AP.
Temperaturat në Kiev ranë në minus 20 gradë C gjatë natës dhe qëndruan në minus 16 C të martën.
