Në Los Angeles shpërthen çështja James Harden e si pasojë tronditet edhe merkatoja e NBA.
Basketbollisti, 11 herë pjesëmarrës në All Star Game, refuzoi të zbresë në parket në ndeshjen mes Clippers dhe Philadelphia e fituar nga 76ers 128-113 për ‘arsye personale’ dhe sipas asaj që raportohet në median amerikane, skuadra kaliforniane po mendon që të shesë lojtarin në këto ditë të merkatos që mbylet ditën e enjte në orën 21:00 me orën evropiane.
Ndërsa në mbrëmjen e kësaj të hëne shokët e tij të skuadrës ishin në parket, Harden qëndroi larg saj, në banesën e tij në Phoenix dhe kërkoi largimin nga Clippers pas dështimit të bisedimeve me drejtuesit e skuadrës për rinovimin e kontratës. Klubi nga ‘Qyteti i Ëngjëjve’ po kërkon ta zëvendësojë me një basketbollist më të ri dhe me të ardhme, ndërkohë që Harden, i cili në gusht do të festojë 37 vjetorin e tij të lindjes, dëshiron të shkojë te një skuadër pretendente për titullin kampion
Është ky një detaj jo i vogël sepse Harden ose ‘Mjekra’ siç është pseudonimi i tij, verën e kaluar nënshkroi një kontratë 1+1 me zgjedhjen e lojtarit për vitin e dytë dhe ka të drejtën e vetos ndaj çdo shkëmbimi dhe në fakt ai ka refuzuar tashmë Toronton dhe New Orleans. Skuadrat më të interesuara janë Cleveland Cavaliers (që ka ofruar edhe Darius Garland) dhe Minnesota Timberwolves.
