Milani rezultoi se kishte të drejtë kur hoqi dorë përfundimisht nga blerja e Jean Philippe Mateta nga Crystal Palace. Klubi kuqezi, teksa ishin orët e fundit të merkatos dërgoi mjekët e tij në Londër për të vizituar futbollistin pasi dyshonin për një problem në gju të tij dhe që rezultoi i vërtetë.
Tre mjekë ekzaminuan gjendjen e futbollistit dhe që të tre rezultuan në një mendje; lojtari pritet të qëndrojë gjatë jashtë fushave. Sulmuesi francez në fakt për shkak të problemit në gju do të duhet të operohet pak rëndësi ka nëse do të ndodhë tani apo në fund të sezonit. Si pasojë, pas operacionit, Matetas do t’i duhen 3-4 muaj për t’u rikuperuar e për t’u kthyer në fushat e lojës dhe Milani apo Juventusi nuk kishin luksin t’ia lejonin vetes këtë periudhë pritjeje për Mateta.
Është për të ardhur keq, sepse Mateta kishte profilin e duhur për të dyja skuadrat. Sulmues fizik, në gjendje që të mbajë i vetëm repartin e avancuar, një goditës i mirë me kokë dhe me shumë prezencë në zonën kundërshtare. Tani do të duhet që vështrimi të hidhet rreth e rrotull. Milani ndoshta do të tentojë sërish për Dusan Vlahovic që Juventusi do ta humbë, por për sulmuesin serb janë disa klube në radhë dhe kjo mjafton që të rritet kostoja e tij, ndërkohë që paga e futbollistit është tashmë tepër e lartë për arkat e kuqezinjve.
Por këtu nuk duhet harruar se Milani ka siguruar Fullkrug që nuk është një futbollist për t’u hedhur poshtë. Sigurisht nuk është shumë i ri dhe nuk mund të konsiderohet si investim për të ardhmen, por ai di të bëjë qendërsulmuesin në të gjithë fushën e sidomos blerja përfundimare e tij do të kushtojë vetëm 5 milionë euro.
Ndërsa vera, përvecse është larg, është edhe e gjatë. Gimenez mbetet një kandidat për t’u larguar nga Milani, ashtu sikurse edhe Nkunku. Mundësi këto për të akumuluar të ardhura të mira për të krijuar një fond të mjaftueshëm për të riinvestuar ku prioritet mbetet Champions League dhe si pasojë edhe të ardhurat e përfitura prej saj
