Sikurse xhiron e 17-të, edhe xhiroja e 18-të e Superligës së Kosovës në basketboll është dominuar nga të huajt.
Ndërkohë, epiteti i lojtarit më të mirë të kësaj xhiroje, i ka takuar amerikanit të Vëllaznimit, Jericole Hellems.
Federata e Basketbollit të Kosovës (FBK), ka njoftuar të hënën se Hellems është shpallur “MVP” i Javës së 18-të pasi me 23 pikë, 8 kërcime e 10 asistime udhëhoqi Vëllaznimin drejt fitores ndaj Borës.
Gjithashtu, Hellems është përfshirë edhe në ekipin më të mirë të xhiros apo ndryshe siç njihet “Top 5”.
Në këtë ekip është përfshirë edhe lojtari tjetër i Vëllaznimit, Yor Anei që ndaj Borës realizoi 19 pikë, 7 kërcime e 1 asistim.
Pjesë e ekipit të xhiros, janë edhe amerikanët Shanon Shorter i Bashkimit, Kenny Hasbrouck i Trepçës dhe Oshowen Williams i Pejës.
Shorter regjistroi 24 pikë, 5 kërcime e 3 asistime në fitoren e Bashkimit ndaj Sigal Prishtinës, Hasbrouck pati 27 pikë, 1 kërcim e 1 asistim në triumfin e Trepçës kundër Yllit derisa Ëilliams regjistroi 21 pikë, 3 kërcime e 7 asistime te Peja që mposhti Rahovecin 029.
