Ansambli Kombëtar i Këngëve dhe Valleve “Shota” do të kremtojë 18-vjetorin e Pavarësisë së Kosovës me një program të pasur artistik, i cili do të promovojë artin, traditën dhe krenarinë kombëtare.
Nga sot deri më 9 shkurt 2026, në ambientet e Ansamblit “Shota” zhvillohet programi edukativo-argëtues për nxënës, pjesë e aktiviteteve të organizuara për festën e Pavarësisë.
Më 16 shkurt, ora 19:00, mbahet koncert festiv në Shtëpinë e Kulturës “Xhemali Berisha” në Prizren, ndërsa më 17 shkurt zhvillohet një program artistik për nder të Ditës së Pavarësisë, duke vijuar traditën e Ansamblit si zë dhe shpirt i festave kombëtare dhe i mesazhit të lirisë dhe unitetit. /teve1.info/
