Kryetari i Aleancës për Ardhmërinë e Kosovës (AAK), Ramush Haradinaj, ka konfirmuar se personi i gjetur sot pasdite pa shenja jete në një veturë në Veternik të Prishtinës ishte Hekuran Hoxha, anëtar i partisë.
Përmes një postimi në Facebook, Haradinaj i ka shprehur ngushëllime familjes Hoxha, miqve dhe kolegëve të Aleancës, duke e përshkruar Hoxhën si një koleg të përkushtuar dhe të respektuar.
“Hekuran Hoxhën e kishim koleg shumëvjeçar në Aleancë. Qysh në rininë e tij, ai ishte i angazhuar në aktivitetet politike në kuadër të Aleancës, ku u dallua gjithmonë për afërsinë, korrektësinë dhe respektin ndaj gjithsecilit. Ndarja e tij nga jeta na tronditi të gjithëve! Në këto momente të rënda, shpreh ngushëllimet më të sinqerta familjes së nderuar Hoxha, miqve dhe të gjithë kolegëve në Aleancë. Qoftë i përhershëm kujtimi për ty, Kani”, ka shkruar Haradinaj./teve1.info/
